Букурешт Рамазан Март | T.A. Travelisimo

top of page

Т.А. Травелисимо

Букурешт Рамазан Март

Поаѓање:

Враќање:

Сместување

Превоз:

19.03.2026

22.03.2026

Хотел

Автобус

Цена:

ПРОМО цена за резервации до 31.01.2026 - 139€/8.618ден
Редовна цена на аранжманот - 169€/10.478ден

За продолжениот мартовски викенд за Рамазан, Ве водиме во елегантниот Букурешт – „Малиот Париз на Истокот“ и мистичната Трансилванија. Ве очекуваат најпознатите романски бисери – кралскиот замок Пелеш, легендарниот замок Бран и шармантниот средновековен Брашов, во совршена комбинација од историја, легенди и модерна атмосфера за незаборавен празничен одмор.

Во цената на аранжманот е вклучено:
• Автобуски превоз на наведената релација
• Сместување во хотел Ibis Bucharest Politehnica 3* на база 2 ноќевања со појадок
• Разглед на градот Букурешт
• Организација и реализација со туристички придружник на патувањето

Во цената на аранжманот не е вклучено:
• Пакет Факултатива Трансилванија со сите влезници вклучени 70 ЕУР (Се плаќа во Агенција)
- Посета на замокот Пелеш со вклучена влезница
- Посета на местото Бран со истоимениот Замок на Дракула ( Влезницата за замокот не е вклучена доплата на лице место)
- Посета на градот Брашов (превоз и туристички придружник)
- ПОПУСТ ЗА СТУДЕНТИ -20%
• Факултативна посета на Термалните бањи во Букурешт (45€ превоз и влезница за бањите со користење на сите простории за 3 часа)
• Патничко и здравствено осигурување
• Туристичка такса 5 евра по лице (задолжителна доплата во агенција)

Попусти и опционални доплати:
- Дете до 12год. во придружба на 2 возрасни на дополнителен кревет (фотеља на спуштање) -10% попуст
- Трет возрасен на плаќа полна сума
- Доплата за еднокреветна соба 60€/3.720 (на барање)
- Доплата за одбирање на ред на седење во автобус - 10€/620ден (мин. 2 седишта)
- Доплата за дополнително седиште во автобус -80€/4.960ден

19.03.2026(Четврток) СКОПЈЕ – БУКУРЕШТ

Состанок на групата кај спортска сала Борис Трајковски во 18.00 часот. Поаѓање кон Романија во 18.30 часот. Ноќно возење преку Бугарија до Романија со попатни паузи за одмор и обавување на царински формалности.

20.03.2026 (Петок) БУКУРЕШТ

Пристигнување во Букурешт во претпладневните часови. Следи разглед на градот со локален водич. Главниот град на Романија е познат уште и како „Мал Париз на Истокот“ заради своите монументи: Плоштадот на револуцијата, Операта, Војничката Академија, Триумфалната Капија, Палатата на Парламентот – најголемата административна зграда во Европа, Патријаршијата... По разгледот се сместуваме во хотел. Слободно време за одмор од патувањето. Ноќевање.

21.03.2026 (Сабота) ПЕЛЕШ – БРАН – БРАШОВ

Појадок. По појадокот се упатуваме на целодневен факултативен излет кон Трансилванија. Посета на преубавиот замок Пелеш, замокот Бран и магичното гратче Брашов.
Пелеш
Сместен во живописниот карпатски пејзаж, замокот Пелеш е една од најдобро зачуваните кралски палати во Европа. Изграден во нео-ренесансен стил како летна резиденција на првиот романски крал, тој претставува елегантен спој на италијанска, германска и ренесансна архитектура. Палатата располага со 170 богато уредени простории и импресивна колекција од над 6.000 уметнички дела, што ја прави вистински бисер на европското културно наследство.
Бран – „Домот на Дракула“
Бајковитиот замок Бран е најпознат по легендата за Дракула, иако Влад Цепеш никогаш не живеел тука. Првично служел како одбранбена тврдина и царински пункт, а од 1920 година станал кралска резиденција. Денес замокот е музеј посветен на митот за Дракула, историјата и мистиката на Трансилванија.
Брашов
Брашов е еден од најубавите градови во Романија, сместен во срцето на Карпатите. Неговиот стар град е меѓу најдобро зачуваните во Европа и плени со архитектура под влијание на саксонската, германската и австроунгарската традиција. Посебно се издвојуваат плоштадот со Casa Sfatului и импозантната Црна Црква, симбол на градот и еден од најзначајните готски храмови во регионот.
Враќање во хотелот во Букурешт во доцните вечерни часови. Ноќевање.

22.03.2026 (Недела) ТЕРМАЛНИ БАЊИ – СКОПЈЕ

Појадок. Напуштање на хотелот. Можност за организирана факултативна посета на Термалните бањи лоцирани северниот дел на Букурешт на само 30 км од градот. Термалните бањи се уживање за сите сетила, имаме на располагање 9 базени со термални води, 6 сауни, 4 парни бањи и 16 водени тобогани. Во склоп на самата бања има прекрасна ботаничка градина со преку 800.000 илјади растенија, вклучувајќи ги и 1,500 палми, орхидеи и ред други уникатни видови на растенија. Идеално место за да избегнете од секојдневниот градски живот и за нови незаборавни спомени! Оние кои нема да ги посетат Термалните бањи ќе имаат слободно време во трговски центар. Поаѓање за Македонија во 15:00ч. Пристигнуавање во Скопје следниот ден во раните утрински часови.

Напомени:
- За патувањето е потребно да поседувате валиден биометриски пасош, најмалку 3 месеци пред истек.
- За реализација на патувањето потребен е минимум од 40 патници.
- За резервација потребна е задолжителна уплата на депозит од најмалку 30% доплата најдоцна до 2 недели пред поаѓање.
- Со потпишување на договорот на патниците им се доделуваат седишта според времето на уплата, доколку одредени патници имаат посебни барања за конкретно седиште истото го доплаќаат во агенција.
- Цените се дадени во евра за уплата исклучиво во денарска противвредност по курс 1€=62мкд.
- Цените се дадени по лице за сместување во двокреветни валидни за најмалку 2 лица во соба.
- Реализацијата на излетите е во зависност од временските услови, организаторот го задржува правото во случај на неповолни временски услови да ги откаже излетите.
- Агенцијата го задржува правото за отказ на аранжманот најдоцна до 7 дена пред поаѓање доколку не е исполнет бројот на пријавени лица предвидени по програмата за ова патување.
- Организаторот го задржува правото за промена на редоследот на активности во програмата, во случај на потреба.
- За ова патување важат Општите Услови за Патување на СКТМ и Травелисимо

bottom of page