Сијаринска Бања (поранешно Лесковачка Бања или Арнаутска Бања, е бања во општината Медвеѓа, Србија.
Сијаринска Бања – „бисер меѓу ридовите“ – се наоѓа во југоисточна Србија, во Јабланичкиот округ, на 520 метри надморска височина. Оддалечена е 340 км од Белград, 90 км од Ниш и 50 км од Лесковац. Украсена е со божествена природа, а она што го содржи длабочината на земјата тука ја прави Сијаринска Бања единствена во Европа! На површина од само 800 м, има 18 минерални извори; температурата на водата е до 72°C, што ја прави трета најтопла вода во Србија. Сијаринска Бања се наоѓа во близина на изворот на реката Јабланица, по која е именуван целиот регион во јужна Србија, на пошумените падини на планината Гољак, од едната страна, и Радан, од другата. Опкружена со вековни дабови, букови и борови дрвја – претставува вистинска оаза на кислород, а со оглед на надморската височина, може да се каже дека ова е и воздушна бања.
Посебна атракција на Сијаринска Бања е гејзирот. Тој е единствен во континентална Европа. Создаден е за време на дупчење на брегот на бањската река, кога, со бучава, од длабочина од 1232 м, еруптирала фонтана висока 8 м, со вода на температура од 72ºC! Пливањето под неговите капки е вистински мелем за душата, а погледот кон него е магично прекрасен. Околу гејзерот се наоѓа комплекс од базени, со подводна масажа, водни топови и џакузи. Гејзерот е исто така дел од грбот на општина Медвеѓа, на која ѝ припаѓа Сијаринска бања, но и заштитен знак по кој бањата е препознатлива насекаде.
Водата е богата со сулфур, минерали и природни гасови кои се користат за медицински третмани.
Најчесто се лекува :
Болести на коски и зглобови
Болести на мускули и нерви
Кардиоваскуларни проблеми
Кожни заболувања