Неос Мармарас е едно од најпознатите летувалишта на Ситонија, сместено на три ридови долж западниот брег, и претставува центар на активностите на полуостровот. Оддачечен е 125 km од Солун и 20 km од Никити.
Главната градска плажа, со бројни beach bar-ови, започнува од последниот залив на градот и се протега до патот кон Porto Carras. Лоцирана е на периферијата на Неос Мармарас.
Плажата е убава, песочна и носител на Синото знаме за квалитет и чистота. Морето е исклучително чисто, особено во утринските часови кога е мирно и мазно како стакло. Благодарение на плиткиот дел и постепениот влез во вода, оваа плажа е идеална за семејства со деца.
Плажата Paradisos, исто така на периферијата на Неос Мармарас, од едната страна е долга и тесна со ситен камен, а од другата страна се редат симпатични приватни хотели и вили. Дел од плажата е песочен, дел со ситни камчиња. Пред секоја вила има кафе-бар со маси во ладовина, каде што секогаш може да се најде освежување.