Велгден во Словенија и Хрватска | T.A. Travelisimo

top of page

Т.А. Травелисимо

Велгден во Словенија и Хрватска

Ljubljana Bled Bohinj Postoina Opatija Plitvica Slovenija Hrvatska Veligden 2026

Поаѓање:

09.04.2026

Враќање:

13.04.2026

Сместување:

Хотел

Превоз:

Автобус

Цена:

Цена на аранжманот: 449 евра (27.840 денари)

Една легенда вели дека Змејовите поставени на мостот на реката Љубљаница ќе мавнат со опашката кога под нив ќе помине девојка која е девица... Добро упатените сведоци тврдат дека тоа до денес не се случило. Шегата настрана, Змејовите се заштитен знак на Љубљана откако на ова место грчките митски јунаци Аргонаутите го совладале чудовиштето кое излегло од езерото и ги нападнало... Одтогаш Змејот станал симбол на целиот град. За оваа и за многу други легенди поврзани со Бледската шампита, Ѓаволскиот Мост на Бохињското Езеро и за Црната Кралица која ги создала Плитвичките Езера на најбараното патување!

09.04.2026 (четврток)- Кавадарци-Скопје-Љубљана

18:00 часот заминување на групата од Кавадарци и во 20:00 часот од Скопје кон Словенија со туристички автобус преку граничниот премин Табановце, со попатни одмори.

10.04.2026 (петок) - Љубљана

Пристигнување во Љубљана во претпладневните часови. Разгледување на градот со локален туристички водич: Симболот на градот-Змејскиот Мост, Трите мостови на реката Љубљаница, Робовата Фонтана или Фонтаната на трите реки - најпозната фонтана од бел мермер, Фрањевачката Црква или Црквата на Воведувањето на Пресвета Богородица која е уште еден симбол на градот, Прешерновиот Споменик во чест на најголемиот словенечки поет Франц Прешерн... Потоа сместување на групата во хотелот „B&B“ 3*** во центарот на Љубљана (https://www.hotel-bb.com/en/city/hotels-ljubljana). Слободно попладне за индивидуални активности и прошетки. Ноќевање.

11.04.2026 година (сабота) - Љубљана-Блед-Бохињ

Појадок. Заминување на групата на целодневен разглед на Блед, бисерот на Словенските Алпи, вистинско богатство на природата опкружено со планинските врвови. Слободно време за прошетки покрај езерото и уживање во кафе и познатите бледски кремпити. Факултативно, можност да се возите со традиционален чамец-плетно по Бледското Езеро до единствен природен остров во Словенија. Тука можете да ја посетите барокната Црква „Света Марија“ во која се наоѓаат одлично сочувани фрески , како и да заѕвоните за среќа и исполнување на желбите на прочуеното „Ѕвонче на желбите“, изградено 1534 година во Падова кое со својата атракција привлекува многу туристи. Потоа заминување кон сликовитите Алпски предели на Бохињското Езеро. Слободно време за прошетка покрај езерото, камениот мост и Црквата на Свети Јован Крстител. Во попладневните часови враќање во хотелот во Љубљана. Слободно време за повторно уживање во убавините на градот. Ноќевање.

12.04.2026 (недела)- Љубљана- Постоинска Јама-Опатија

Појадок. Одјавување од хотелот и заминување на групата кон Постоинска Јама, најголемата геолошка атракција во Словенија и најголемата пештера во Европа. Според натписите во пештерата, првите туристи ја посетиле уште во 13. век. Постоинска Јама претставува сплет од 20 километри подземни тунели, галерии и сали, а за туристите се отворени 5300 метри површина. Пештерата е богата со подземен биолошки свет, а најпозната е човечката рипка која го добила името по бојата која потсетува на човечката кожа. Во пладневните часови заминување на групата кон Опатија. Сместување во хотелот „Paris“ 4**** (https://hotel-paris.hr/hr/ ) во центарот на градот. Слободно време за индивидуални активности. Вечера во ресторанот на хотелот. Ноќевање.

13.04.2026 (понеделник)- Опатија-Плитвички Езера-Скопје-Кавадарци

Појадок. Одјавување од хотелот и заминување на групата кон Плитвичките Езера, најголемиот Национален Парк во Хрватска прогласен во 1949 година, а од 1979 година е вклучен во списокот на УНЕСКО на светско наследство. Има околу 16 прекрасни Плитвички Езера чија должина е 8 километри, а висината на најголемиот водопад е 20 метри. Организиран разглед со локален туристички водич. Во попладневните часови заминување кон Македонија. Пристигнување во Македонија во вторник на 14. Април во утринските часови.

Во цената на аранжманот се вклучени следните услуги:

- Превоз со туристички автобус на наведената релација
- Две ноќевања со појадок во хотел „B&B“ 3* во Љубљана
- Едно ноќевање со појадок и вечер во хотел „Paris“ 4** во Опатија
- Локален туристички водич за сите излети вклучени во програмата
- Целодневен излет до Блед и Бохињ
- Влезница во Постоинска Јама
- Влезница за Плитивичките Езера
- Организација и придружник на патувањето

Во цената на аранжманот не е вклучено:

- Туристичка такса во Љубљана и во Опатија – 10 евра за трите вечери-(се плаќа во агенцијата)
- Доплата за еднокреветна соба – 100 евра
- Можност за пловидба со чамец по Бледското Езеро
- Влезница во црквата „Света Марија“ на Блед
- Патничко осигурување

Резервирај ВЕДАШ!

Напомена: За потврда на резервација е неопходна задолжителна уплата од 30% од аранжманот. Целосна доплата до 25. Март 2026. Секоја резервација без уплата е валидна само 48 часа.
Напомена: За реализација на аранжманот потребни се минимум 40 патниц

bottom of page